وربي منتـي إنسانـه ولالـك قلـب وتحسّيـن
أبي رحمتك ولكنـك قسيتـي ومـا رحمتينـي
بِلا رحمة وتترجـى طعونـي يـدك والسكيـن
بِلا رحمة وأنا أتنفس هوى عشقـك ذبحتينـي
خطايه ويش قولي لي عشان إنك عليّ تقسيـن
وأنا اللي كنت أظن إنك قبل ماأعشق عشقتينـي
خسـارة ماتوقعتـك تلفـي معّـي ودوريــن
لأني معك جـدًا ذوق وأنتـي بخبـث تكوينـي
ماكنـت أدري بنياتـك وأنتـي بنيتـي تدريـن
على النيه وأحسب إنك علـى النيـة تحبينـي
أنا الغلطـان صدقتـك لأنـي ماعرفتـك زيـن
وكنت وكنت بس الحين وضح كل شي في عيني
كلامك كذب وأسمك كذب وشكلك كذب وتنغريـن
كأنه صـدق وصدقتـي كـلام ٍ بـه تحاكينـي
عرفت الحين ليه أنتي معي كنتي كـذا تسويـن
عرفـت إن غايتـك قـدام أصحابـك تهينينـي
عبث طفله وياشين الطفله في عمر ٍ بعد عشرين
تحس بنقص وتحاول تعـوض نقصهـا فينـي
لأنك فاقده ذاتـك معـاك الحـق وش تعطيـن
مدامك فاقده شخصك أجـل وشلـون تعطينـي
يابنت الناس واللي صار مايعني إني المسكيـن
ولا مسكين غير أنتي وشوفـي فعـل سكينـي
مهو غباء عشقي لـك ولا بهالشـي تتذيكيـن
لأن العِبـره بالآخـر وبالآخـر تبـي تجينـي
يجيبك النـدم بعديـن ولكـن لاتجـي بعديـن
ولااشوفك شي في عيني ولو كل شي شفتينـي
بلاش نعيد أو نزيد وحلي عن سمـاي الحيـن
مصير الوقـت يثبـت لـك بأنـك ماعرفتينـي
وربك رب لتعضـي أصابـع يـدك وتصيحيـن
لأنك عقب ماكنتي بسماي الحيـن فـي طينـي
وأنا لي طبع ماأغفر خطأ لو كان قبـل سنيـن
ولـو يغفـر لـك الله مانـي الله لوعبدتيـنـي
وإذا جيتي وتوسلتي بطلـب موعـد وتترجيـن
أبعطي ( شفتك ) فرصه متى ماتفضـا رجلينـي
تعليقات
إرسال تعليق